You are Visiting Mobile Version of our website.
Download our Android App and Browse Faster :)



Login or Register
Report a Problem with Mobile Website.


Aa jaaye bulawa mujhe AQA Tere

Posted on:  23/08/2017



Aa jaye bulawa mujhy AQA Tery Dar sy
Jis Dar ki ghulaami ko to jibreel bhi tarsy

Paidal hi nikalte hain, masaafat ka nahin khaof
Thakte hi nahin ham to Madine ke safar sy

Sunnat py Teri chalne ka aa jaaye qareena
Ye abr-e-karam kaash mere dasht py barsy

Zarrah bhi lage gohar-o-almaas se badh kar
Dekhe to koii khaak-e-arab meri nazar sy

Ek main hi nahin taalib-e-jalwa mere AQA!
Har ek musalmaan Tere deed ko tarsy

Naamoos-e-Muhammad ke liye jaan bhi doon ga
Ho jaaun ga waaqif main shahaadat ke hunar sy

Dunya ky faqat chand hi lamhaat the guzry
Ho aaye payambar mery sadiyaun ke safar sy

Jo shaam-o-sahar Salle Alaa kehta rahe ga
Aaye ga bulawa usay AQA ky nagar sy

Kuch khauf nahin mujh ko kadee dhoop ka Amjad
Saaya mujhy miltaa hai Risaalat ky shajar sy