119

مٹن کڑھائی

اجزاء:

مٹن کڑھائی اور وہ بھی بازارجیسے ذائقے والی ۔۔۔ مٹن یا بکرے کا گوشت ویسے تو اب لوگوں کی قوتِ خرید سے باہر ہو چکا ہے لیکن عیدالاضحٰی پریہ اللہ کا کرم ہے کہ ہر ایک کو ہر طرح کا گوشت بھرپور طریقے سے کھانے کو ملتا ہے۔ ویسے تو کچھ لوگوں کو بکرے کا گوشت بھی پسند نہیں ہوتا کیونکہ اس کے گوشت میں ہلکی سی بساند یا مہک ہوتی ہے جس کی وجہ سے اس کو کھانے سے گھبراتے ہیں ۔ لیکن اب بکرے کے گوشت کی قیمت کو دیکھتے ہوئے اس کو شاہی گوشت کہا جا سکتا ہے۔ بقرعید کا موقع ہے ایسے میں سب گھروں میں دعوتیں چل رہی ہوں گی تو ہم آپ کو مٹن کی شاندار ریسٹورنٹ اسٹائل کڑھائی کی ریسیپی بتائیں گے جو کھانے والے کھاتے چلے جائیں گے اور آپ سے اس کی ریسیپی پوچھیں گے۔ تو اس ریسیپی کو نوٹ کر لیجیے گا۔

بکرے کا گوشت 1 کلو (پٹھ کا گوشت)
پیاز آدھی
ٹماٹر 3 عدد (بڑے)
ثابت لہسن 8 جوے
لال مرچ آدھا ٹی اسپون
نمک 1 ٹی اسپون
ہلدی ایک چوتھائی ٹی اسپون
پانی ایک کپ

ترکیب:
٭اب ان چیزوں کو پریشر ککر میں 15 منٹ کے لئے چڑھادیں۔
٭اب 5 عدد سبزمرچیں اور آدھا انچ کا ادرک کا ٹکڑا چوپرمیں ڈال کرچوپ کر لیں۔
٭اب پریشر ککر چولہے سے اتار لیں، گوشت میں سے ٹماٹر کے چھلکے نکال لیں۔
٭اب اس گوشت کو کسی کھلے برتن یا کڑھائی میں ڈال لیں۔ اب اس کو تیز آنچ پر پکایا جائے گا ۔
٭اب اس میں آدھا چمچ دھنیا پاؤڈراورزیرہ پاؤڈراور چوپ کی ہوئی ادرک اور سبزمرچ ڈال کراس میں آدھا کپ تیل بھی ڈال دیں گے اورخوب اچھی طرح بھون لیں گے۔
٭اب آنچ کم کردیں اور آدھا کپ دہی ڈال دیں۔ اسے اچھی طرح بھونیں۔ دہی کا پانی خشک ہوجائے تو آنچ تیز کردیں۔
٭اب اس میں پسا گرم مصالحہ آدھا ٹی اسپون ڈال دیں گے ۔ 5 سے 6 کالی مرچیں کوٹ کر ڈال دیں گے۔
٭اوپر سے باریک کٹی ہوئی ادرک اور ہری مرچوں سے گارنش کردیں گے۔ آپ کی شاندار ریسٹورنٹ اسٹائل عید اسپیشل مٹن کڑھائی تیار ہے ۔ کھائیے، کھلائیے اور واہ واہ سمیٹیے۔

اس خبر پر اپنی رائے کا اظہار کریں

اپنا تبصرہ بھیجیں